കൊച്ചി: നിയമസഭാ തെരഞ്ഞെടുപ്പ് ഫലത്തിന് പിന്നാലെ മുന് മുഖ്യമന്ത്രി പിണറായി വിജയനെ പ്രശംസിച്ച് സംവിധായകന് ലിജോ ജോസ് പെല്ലിശ്ശേരി രംഗത്ത്. “നന്ദി സഖാവേ, കേരളത്തെ അതിന്റെ ഏറ്റവും ബുദ്ധിമുട്ടേറിയ ഒരു കാലത്ത് മുന്നില് നിന്ന് നയിച്ചതിന്” എന്ന കുറിപ്പാണ് ലിജോ സോഷ്യല് മീഡിയയില് പങ്കുവെച്ചത്. പിണറായി വിജയന്റെ ചിത്രത്തോടൊപ്പം തന്നെയാണ് ഈ സന്ദേശവും പങ്കുവെച്ചത്.
അതേസമയം, തെരഞ്ഞെടുപ്പിലെ വന് പരാജയത്തിന് പിന്നാലെ പിണറായി വിജയന് ഇതുവരെ മാധ്യമങ്ങളോട് പ്രതികരിച്ചിട്ടില്ല. ഫലം വന്നിട്ട് രണ്ട് ദിവസം കഴിഞ്ഞിട്ടും സാമൂഹ്യമാധ്യമങ്ങളിലും പ്രതികരണം ഉണ്ടായിട്ടില്ല. സംസ്ഥാന സെക്രട്ടറിയേറ്റ് യോഗത്തിന് ശേഷം അദ്ദേഹം മാധ്യമങ്ങളെ കാണുമെന്ന സൂചനയുണ്ട്.
സംസ്ഥാന നിയമസഭാ തെരഞ്ഞെടുപ്പില് എൽഡിഎഫ് കനത്ത തോല്വിയാണ് നേരിട്ടത്. യുഡിഎഫ് 102 സീറ്റുകളില് വിജയിച്ച് മൂന്നില് രണ്ട് ഭൂരിപക്ഷത്തോടെ അധികാരത്തിലെത്തിയപ്പോള്, എൽഡിഎഫിന് 35 സീറ്റുകളിലേക്കാണ് ചുരുങ്ങേണ്ടി വന്നത്.