കണ്ണൂര്: അയ്യൻക്കുന്നില് മാവോയിസ്റ്റ് -തണ്ടര്ബോള്ട്ട് ഏറ്റുമുട്ടല്.വെടിവെപ്പില് രണ്ട് മാവോയിസ്റ്റുകള്ക്ക് വെടിയേറ്റതായി സംശയം. സ്ഥലത്തേക്ക് കൂടുതല് പൊലീസ് പുറപ്പെട്ടു. മുമ്പ് പല തവണ മാവോയിസ്റ്റുകളെ സാന്നിദ്ധ്യമുണ്ടായ പ്രദേശമാണിത്. അയ്യൻക്കുന്ന് ഉരുപ്പുംകുറ്റിക്ക് സമീപത്തെ വനാതിർത്തിയിലാണ് ഏറ്റുമുട്ടൽ.
ഇന്ന് രാവിലെയോടെയാണ് അയ്യന്കുന്ന് ഉരുപ്പുകുറ്റിയില് വനമേഖലയില് മാവോയിസ്റ്റുകള്ക്കായി തണ്ടര്ബോള്ട്ട് എഎൻഎഫ് സംഘത്തിന്റെ തെരച്ചിലിനിടെയാണ് വെടിവെപ്പ് ഉണ്ടായത്. ഇതോടെ തണ്ടര്ബോള്ട്ട് തിരിച്ചും വെടിയുതിര്ക്കുകയായിരുന്നുവെന്നുമാണ് അധികൃതര് പറയുന്നത്.
വനമേഖലയില് തിരച്ചില് തുടരുകയാണ്. പരിശോധനയില് വെടിവെയ്പ്പ് നടന്ന സ്ഥലത്തുനിന്ന് മൂന്നു തോക്കുകള് കണ്ടെടുത്തു.സ്ഥലത്ത് മാവോയിസ്റ്റുകളുടെ ക്യാമ്പ് പ്രവര്ത്തിച്ചിരുന്നതായി സംശയമുണ്ടെന്നാണ് പൊലീസ് പറയുന്നത്. വെടിവെയ്പ്പില് പൊലീസിന് പരിക്കേറ്റിട്ടില്ല. സ്ഥലത്ത് രക്തതുള്ളികള് ഉള്പ്പെടെ കണ്ടെത്തിയതിനാലാണ് മാവോയിസ്റ്റുകള്ക്ക് പരിക്കേറ്റിണ്ടുണ്ടാകാമെന്ന് പൊലീസ് സംശയിക്കുന്നത്.
കരിക്കോട്ടക്കരി- ഉരുപ്പുംകുറ്റി പാത പൊലീസ് അടച്ചു. സ്ഥലത്ത് വൻ പൊലീസ് സന്നാഹമാണുള്ളത്