രാഹുൽ ഗാന്ധിക്കെതിരായ വിധിയിൽ സത്യം ജയിക്കുമെന്ന് പ്രതിപക്ഷ നേതാവ് വി ഡി സതീശൻ. വെറുപ്പിന്റെ രാഷ്ട്രീയത്തിനും ഫാസിസത്തിനും എതിരായ പോരാട്ടം തുടരും. ജനകോടികള് രാഹുലിനൊപ്പമുണ്ടെന്നും, ഭയപ്പെടുത്താനോ നിശ്ശബ്ദനാക്കാനോ സംഘപരിവാറിന് കഴിയില്ലെന്നും വി ഡി സതീശൻ വ്യക്തമാക്കി.
സംഘപരിവാറിനെ നഖശിഖാന്തം എതിര്ക്കുന്നതും മോദി – അമിത് ഷാ- കോര്പറേറ്റ് കൂട്ടുകെട്ടിനെതിരെ നിരന്തരം ചോദ്യങ്ങള് ഉയര്ത്തുന്നതുമാണ് രാഹുലില് ചിലര് കാണുന്ന അയോഗ്യത. ജനാധിപത്യവാദികളും മതേതരത്വം ജീവവായുവാക്കുന്നവരും രാഹുലില് കാണുന്ന യോഗ്യതയും അതു തന്നെയാണെന്നും സതീശൻ അഭിപ്രായപ്പെട്ടു.
