തിരുവനന്തപുരം: എക്സൈസ് വകുപ്പ് നാർക്കോട്ടിക് സ്പെഷൽ ഡ്രൈവ് ശക്തമാക്കിയതിന്‍റെ ഭാഗമായി ഇതുവരെ 1165 കേസുകൾ രജിസ്റ്റർ ചെയ്തു. കേസിലുൾപ്പെട്ട 1195 പേർ ഇതുവരെ അറസ്റ്റിലായി.
സെപ്റ്റംബർ 16 മുതൽ ഒക്ടോബർ 27 വരെ ലഹരി ഉപയോഗം, വിതരണം എന്നിവയുമായി ബന്ധപ്പെട്ടാണ് ഇത്രയും കേസുകൾ രജിസ്റ്റർ ചെയ്തത്. പ്രതികളിൽ നിന്ന് 175.1 കിലോ കഞ്ചാവ്, 182 കഞ്ചാവ് ചെടികൾ, 1.096 കിലോ എംഡിഎംഎ, 1.449 കിലോ മെത്താംഫിറ്റമിൻ, 13.9 ഗ്രാം എൽഎസ്ഡി സ്റ്റാമ്പ്, 333 ഗ്രാം ഹാഷിഷ് ഓയിൽ, 90 ഗ്രാം ഹെറോയിൻ, 321.7 ഗ്രാം നാർകോട്ടിക് ഗുളികകൾ, 16 ഇൻജക്ഷൻ ആംപ്യൂളുകൾ എന്നിവ ഉദ്യോഗസ്ഥർ പിടിച്ചെടുത്തു.
മയക്കുമരുന്ന് കേസുകളിലെ ഒൻപത് പ്രഖ്യാപിത കുറ്റവാളികൾ ഉൾപ്പെടെ വാറണ്ടിലെ 472 പ്രതികളെ അറസ്റ്റ് ചെയ്ത് കോടതിയിൽ ഹാജരാക്കി
