ന്യൂഡല്‍ഹി: കോണ്‍ഗ്രസ് അധ്യക്ഷ തെരഞ്ഞെടുപ്പിനുള്ള നാമനിര്‍ദേശ പത്രികാ സമര്‍പ്പണം ഇന്നു മുതൽ. പത്രിക സമര്‍പ്പണത്തിനുള്ള സമയം ഈ മാസം 30-ാം തീയതി വരെയാണ്. മുപ്പതിന് രാവിലെ 11 മുതല്‍ മൂന്ന് മണിവരെ എഐസിസി ആസ്ഥാനത്ത് പത്രിക നേരിട്ട് സമര്‍പ്പിക്കാം.
ഒക്ടോബർ 1 നാണ് സൂക്ഷ്മ പരിശോധന. ഒക്ടോബർ എട്ടുവരെ വരെ നാമനിർദേശ പത്രിക പിൻവലിക്കാം.നീതിയുക്തവും സുതാര്യവുമായ തെരഞ്ഞെടുപ്പ് നടക്കുമെന്ന് കോൺഗ്രസ് തെരഞ്ഞെടുപ്പ് സമിതി വ്യക്തമാക്കി.
രാജസ്ഥാൻ മുഖ്യമന്ത്രി അശോക് ഗഹ് ലോട്ടും, ശശി തരൂർ എംപിയും മത്സരംഗത്ത് ഉണ്ടാകുമെന്നുറപ്പായിട്ടുണ്ട്. കൂടാതെ ജി- 23 ൽ ഉൾപ്പെട്ട മനീഷ് തിവാരി കൂടി മത്സരിച്ചേക്കുമെന്നും റിപ്പോർട്ടുകളുണ്ട്. അതേസമയം പ്രസിഡന്റ് തെര‍ഞ്ഞെടുപ്പിൽ മത്സരിക്കാനില്ലെന്ന് ദിഗ് വിജയ് സിങ് വ്യക്തമാക്കി.
