കൊല്ലത്ത് എഴുകോണിനും കുണ്ടറയ്ക്കുമിടയിലെ റെയില്‍വേ ട്രാക്കിലേക്ക് മരം വീണു. ഇതോടെ കൊല്ലത്തേക്കുള്ള ട്രെയിന്‍ ഗതാഗതം തടസപ്പെട്ടു. അഗ്നിശമനസേന സ്ഥലത്തെത്തി മരം മുറിച്ചു മാറ്റിയശേഷം ട്രെയിൻ ഗതാഗതം പുനരാരംഭിച്ചു.
ഇന്ന് ഉച്ചയ്ക്ക് രണ്ട് മുതല്‍ കൊല്ലത്ത് അതിശക്തമായ കാറ്റ് വീശുന്നുണ്ടായിരുന്നു. മൂന്നോടെയാണ് റെയില്‍വേ ട്രാക്കില്‍ മരം വീണത്. ഇതിനുപിന്നാലെ ചെങ്കോട്ടയില്‍ നിന്നും കൊല്ലത്തേക്കുള്ള പാസഞ്ചര്‍ ട്രെയിൻ കൊട്ടാരക്കര സ്റ്റേഷനില്‍ പിടിച്ചിട്ടിരുന്നു.
