എഴുത്തുകാരന് എം. സുകുമാരന്റെ സ്മരണാര്ഥം ഏര്പ്പെടുത്തിയ സാഹിത്യ പുരസ്കാരം സുഭാഷ് ചന്ദ്രന്. സമുദ്രശില എന്ന നോവലിനാണ് പുരസ്കാരം. അമ്പതിനായിരം രൂപയും പ്രശസ്തിപത്രവുമടങ്ങുന്നതാണ് പുരസ്കാരം. പ്രഭാവര്മ, ആര്. പാര്വതീദേവി, പ്രൊഫ. വി.എന് മുരളി, പ്രമോദ് പയ്യന്നൂര് എന്നിവരടങ്ങിയ ജൂറിയാണ് പുരസ്കാരം നിര്ണയിച്ചത്. സെപ്തംബര് മാസം അവസാനം തിരുവനന്തപുരത്ത് ചേരുന്ന യോഗത്തില് പുരസ്കാരം സമ്മാനിക്കും.
ഏജീസ് ഓഫീസിലെ ജീവനക്കാരുടെയും പെന്ഷന്കാരുടേയും സംഘടനകളായ ഓഡിറ്റ് ആന്ഡ് അക്കൗണ്ട്സ് അസോസിയേഷനും ഓഡിറ്റ് ആന്ഡ് അക്കൗണ്ട്സ് പെന്ഷനേഴ്സ് അസോസിയേഷനും എം.സുകുമാരന്റെ കുടുംബാംഗങ്ങളും ചേര്ന്ന് രൂപീകരിച്ച എം.സുകുമാരന് ഫൗണ്ടേഷന് ട്രസ്റ്റാണ് പുരസ്കാരം ഏര്പ്പെടുത്തിയിരിക്കുന്നത്. മാതൃഭൂമി ബുക്സ് ആണ് ‘സമുദ്രശില’യുടെ പ്രസാധകര്.
മലയാളത്തിലെ ഉത്തരാധുനിക ചെറുകഥാകൃത്തുക്കളിൽ പ്രമുഖന്. ആലുവക്കടുത്ത് കടുങ്ങലൂര് സ്വദേശി. എറണാകുളം സെന്റ് ആൽബേർട്സ്,മഹാരാജാസ് കോളേജ്,ലോ കോളേജ്,ഭാരതീയവിദ്യാഭവൻ എന്നിവിടങ്ങളിൽ വിദ്യാഭ്യാസം. ഒന്നാം റാങ്കോടെ മലയാളത്തിൽ മാസ്റ്റർ ബിരുദം. മാതൃഭൂമി ആഴ്ചപ്പതിപ്പു നടത്തിയ ചെറുകഥാമൽസരത്തിലൂടെ രംഗപ്രവേശം. ഇപ്പോൾ കേരള സാഹിത്യ അക്കാദമിയുടെ ജനറൽ കൗൺസിൽ അംഗം. നൂറു വർഷത്തെ കഥാഗതിയും നൂറിലേറെ കഥാപാത്രങ്ങളുടെ ജീവിതസന്ദർഭങ്ങളുമായി പ്രത്യക്ഷപ്പെട്ട മനുഷ്യന് ഒരാമുഖം എന്ന നോവല് ഏറെ വായിക്കപ്പെട്ടു.
ഘടികാരങ്ങൾ നിലക്കുന്ന സമയം, പറുദീസാനഷ്ടം, തല്പം, വിഹിതം (ചെറുകഥസമാഹാരങ്ങള്), മനുഷ്യന് ഒരു ആമുഖം(നോവൽ)
ബ്ലഡി മേരി(നീണ്ട കഥകൾ), മധ്യേയിങ്ങനെ, ദാസ് ക്യാപിറ്റൽ, കാണുന്ന നേരത്ത് (അനുഭവക്കുറിപ്പുകൾ) തുടങ്ങിയവ പ്രധാനകൃതികള്.
ലാപ്ടോപ്പ്, സൻമാർഗ്ഗം എന്നീ ചെറുകഥകള് ചലച്ചിത്രങ്ങളായി.
കേരള സാഹിത്യ അക്കാദമി പുരസ്കാരം, കേന്ദ്ര സാഹിത്യ അക്കാദമി പുരസ്കാരം, വയലാർ പുരസ്കാരം, കേരള സാഹിത്യ അക്കാദമി അവാർഡ് , അങ്കണം-ഇ.പി. സുഷമ അവാർഡ്,
എസ്.ബി.ടി അവാർഡ്, വി പി ശിവകുമാർ കേളി അവാർഡ്, ഓടക്കുഴൽ പുരസ്കാരം, ഫൊക്കാന പുരസ്ക്കാരം, കോവിലൻ തുടങ്ങി നിരവധി അവാര്ഡുകള് തേടിയെത്തി.