എരുമേലി: ബൈക്കിന്റെ സീറ്റിൽ കയറി നിന്ന് നടുറോഡിൽ വിദ്യാർഥികളുടെ അഭ്യാസപ്രകടനം. തീർഥാടക വാഹനങ്ങളും സ്കൂൾ ബസുകളുമടക്കം നൂറുകണക്കിന് വാഹനങ്ങൾ കടന്നുപോകുന്ന പ്രധാന റോഡിൽ കഴിഞ്ഞ ദിവസം രാവിലെയാണ് വിദ്യാർഥികളുടെ അഭ്യാസ പ്രകടനം.
കഴിഞ്ഞ രണ്ട് മാസത്തിനുള്ളിൽ എരുമേലിയിലും സമീപത്തുമായി ആഡംബര ബൈക്കുകൾ അപകടത്തിൽപെട്ട് രണ്ട് യുവാക്കളും ഒരു വിദ്യാർഥിനിയും മരിക്കുകയും മൂന്ന് യുവാക്കൾക്ക് പരിക്കേൽക്കുകയും ചെയ്തിരുന്നു.
അപകടങ്ങളിലെല്ലാം ബൈക്ക് പൂർണമായും തകർന്നിരുന്നു. പൊലീസിന്റെയും മോട്ടോർ വാഹന വകുപ്പിന്റെയും ശക്തമായ പരിശോധന വേണമെന്നാണ് നാട്ടുകാരുടെ ആവശ്യം