എറണാകുളം കാക്കനാട് കളക്ടറേറ്റിൽ വയോധികൻ ജീവനക്കാർക്കുനേരെ തോക്കു ചൂണ്ടി ഭീഷണിപ്പെടുത്തി. നിറതോക്കുമായാണ് ഇയാൾ കളക്ടറേറ്റിൽ കടന്നത്. പോലീസ് പിടികൂടി പരിശോധിച്ചപ്പോൾ തോക്കിനകത്ത് എട്ടു വെടിയുണ്ടകൾ ഉണ്ടായിരുന്നു.
തോക്ക് ലൈസൻസ് പുതുക്കാനാണ് ഇയാൾ എത്തിയതെന്നു പറയുന്നു. വയോധികനെയും തോക്കും പോലീസ് കസ്റ്റഡിയിലെടുത്തു. കളക്ടറേറ്റിലെ ജീവനക്കാർക്ക് പരാതിയില്ലാത്തതിനാൽ ഇയാൾക്കെതിരെ കേസെടുത്തില്ല. ഇയാൾക്കു തോക്ക് കൈവശം വയ്ക്കാൻ ലൈസൻസുണ്ടെന്നും പോലീസ് വ്യക്തമാക്കി.