ന്യൂഡല്‍ഹി: മുന്‍കേന്ദ്രമന്ത്രി കുമാരി ഷെല്‍ജയേയും പാര്‍ട്ടി വക്താവ് മനു അഭിഷേക് സിങ്‌വിയേയും കോണ്‍ഗ്രസ് പ്രവര്‍ത്തക സമിതിയില്‍ ഉള്‍പ്പെടുത്തി. മുന്‍ രാജ്യസഭ എംപി ടി സുബ്ബരാമി റെഡ്ഡിയെ പ്രവര്‍ത്തക സമിതിയിലെ സ്ഥിരം ക്ഷണിതാവായും നിയമിച്ചിട്ടുണ്ട്.
ഉത്തര്‍പ്രദേശ് മുന്‍ സംസ്ഥാന പ്രസിഡന്റ് അജയ് കുമാര്‍ ലല്ലുവിനെ പ്രവര്‍ത്തക സമിതിയിലെ പ്രത്യേക ക്ഷണിതാവായും നിയമിച്ചിട്ടുണ്ട്. ഉടൻ പ്രാബല്യത്തോടെയാണ് നിയമനമെന്ന് എഐസിസി ജനറൽ സെക്രട്ടറി കെ സി വേണുഗോപാൽ അറിയിച്ചു.
ഹരിയാനയില്‍ നടന്ന രാജ്യസഭ തെരഞ്ഞെടുപ്പില്‍ ബിജെപി സ്ഥാനാര്‍ത്ഥിക്ക് വോട്ടുമറിച്ചു ചെയ്ത കുല്‍ദീപ് ബിഷ്‌ണോയ് എംഎല്‍എയെ പ്രവര്‍ത്തകസമിതിയിലെ പ്രത്യേക ക്ഷണിതാവ് അടക്കം കോണ്‍ഗ്രസിന്റെ എല്ലാ പദവിയില്‍ നിന്ന് നീക്കിയിരുന്നു.
