രാഹുൽ ഗാന്ധിയെയും കോണ്‍ഗ്രസ് നേതാക്കളെയും ഇഡി വേട്ടയാടുന്നുവെന്ന് ആരോപിച്ച് വയനാട്ടിൽ കോണ്‍ഗ്രസ് മാർച്ച്. വയനാട് ഡിസിസി അധ്യക്ഷൻ എൻ.ഡി. അപ്പച്ചന്‍റെ നേതൃത്വത്തിൽ ബിഎസ്എൻഎൽ ഓഫീസിലേക്കാണ് പ്രവർത്തകർ മാർച്ച് നടത്തിയത്.
മാർച്ച് പോലീസ് ബാരിക്കേഡ് ഉപയോഗിച്ച് തടഞ്ഞു. ഇതോടെ പ്രതിഷേധക്കാർ ബാരിക്കേഡിനു മുകളിൽ കയറി പ്രതിഷേധിച്ചു. പോലീസ് എത്തിയാണ് പ്രതിഷേധക്കാരെ പിന്തിരിപ്പിച്ചത്.
വരും ദിവസങ്ങളിലും കേന്ദ്രസർക്കാർ ഓഫീസുകൾ കേന്ദ്രീകരിച്ച് പ്രതിഷേധങ്ങൾ സംഘടിപ്പിക്കുമെന്നും കോണ്‍ഗ്രസ് പ്രവർത്തകർ അറിയിച്ചു.
