തിരുവല്ല: ഭർത്താവിനെയും മൂന്ന് മക്കളെയും ഉപേക്ഷിച്ച് ഒളിച്ചോടിയ യുവതിയും കാമുകനും പൊലീസ് പിടിയിലായി. കണ്ണൂരിൽ നിന്നു കാണാതായ യുവതിയേയും കാമുകനെയും തിരുവല്ലയിൽ നിന്നാണ് പോലീസ് കസ്റ്റഡിയിലെടുത്തത്.
കണ്ണൂർ വളപട്ടണം സ്വദേശിനി ഭർതൃമതിയും മൂന്ന് മക്കളുടെ അമ്മയുമാണ്. ചമ്പക്കുളം സ്വദേശിയായ യുവാവിനെപ്പമാണ് ഇവർ ഒളിച്ചോടിയത്. വളപട്ടണം പോലീസ് തിരുവല്ല പോലീസിൻറെ സഹായത്തോടെ ഇന്നലെ വൈകുന്നേരം കവിയൂരിലെ ഒരു വീട്ടിൽ നിന്നാണ് ഇവരെ കസ്റ്റഡിയിലെടുത്തത്. ഒരാഴ്ചയായി യുവതിയും യുവാവും ഇവിടെ ഒളിച്ചുതാമസിക്കുകയായിരുന്നുവെന്ന് പറയുന്നു.
യുവതിയുടെ ബന്ധുക്കളുടെ പരാതിയിന്മേൽ വളപട്ടണം പോലീസ് അന്വേഷണം നടത്തി വരികയായിരുന്നു. മൊബൈൽ ടവർ കേന്ദ്രീകരിച്ചു നടത്തിയ അന്വേഷണത്തിലാണ് ഇവർ ഒളിവിൽ കഴിഞ്ഞിരുന്ന സ്ഥലം പോലീസ് കണ്ടെത്തിയത്. പ്രായപൂർത്തിയാകാത്ത കുട്ടികളെ ഉപേക്ഷിച്ചു പോയതിനടക്കം യുവതിക്കെതിരേ പോലീസ് കേസെടുക്കുമെന്ന് പോലീസ് പറഞ്ഞു.