കുറുപ്പംപടിയിലെ ബാർ ജീവനക്കാരനെ കാട്ടു പന്നി ഇടിച്ചുവീഴ്ത്തി;മൂക്കന്നൂരിൽ വീണ്ടും കാട്ടുപന്നിയുടെ ആക്രമണം

അങ്കമാലി : മൂക്കന്നൂരിൽ വീണ്ടും കാട്ടുപന്നിയുടെ ആക്രമണം. മൂക്കന്നൂർ പൂതംകുറ്റി വാച്ചാംകുളം വീട്ടിൽ തോമസിന്റെ മകൻ ജെയ്സൺ (46) ആണ് കാട്ടുപന്നിയുടെ ആക്രമണത്തിന് ഇരയായത്.

ആനപ്പാറ-പൂതംകുറ്റി റോഡിൽ ദേവഗിരിയിൽ പുലിതൂക്കിപ്പാടത്ത് വെച്ചായിരുന്നു ആക്രമണം. ആക്രമണത്തിൽ സാരമായി പരിക്കേറ്റ ജെയ്സൺ മൂക്കന്നൂർ സ്വകാര്യ ആശുപത്രിയിൽ ചികിത്സയിലാണ്. ജെയ്സന്റെ വലതുകൈ ഒടിഞ്ഞിട്ടുണ്ട്.

കുറുപ്പംപടിയിൽ ബാർ ഹോട്ടലിലെ ജീവനക്കാരനായ ജെയ്സൺ, ജോലികഴിഞ്ഞ് രാത്രി ബൈക്കിൽ വീട്ടിലേക്ക്‌ വരുമ്പോൾ പന്നി ജെയ്‌സണെ ഇടിച്ചുവീഴ്ത്തുകയായിരുന്നു