ന്യൂഡൽഹി: രാജ്യത്ത് പ്രതിദിനം ഇന്ധന വില വർധിക്കുന്നതിനെ പരിഹസിച്ച് എൻസിപി നേതാവ് സുപ്രിയ സുലെ. പെട്രോൾ, ഡീസൽ, പാചക വാതകം എന്നിവയുടെ വിലക്കയറ്റം തടയാൻ എല്ലാ മാസവും തെരഞ്ഞെടുപ്പാണ് ഏറ്റവും നല്ല മാർഗമെന്ന് സുപ്രിയ സുലെ ലോക്സഭയിൽ പറഞ്ഞു.
തെരഞ്ഞെടുപ്പിന് മാത്രമേ ഇന്ധന വില നിയന്ത്രണത്തിലാക്കാൻ കഴിയൂ. എല്ലാ മാസവും തെരഞ്ഞെടുപ്പ് നടത്തണമെന്നും സുലെ കേന്ദ്ര സർക്കാരിനോട് അഭ്യർത്ഥിച്ചു.