ഇടുക്കി: മൂലമറ്റം വെടിവയ്പ്പ് കേസിൽ ഫിലിപ്പ് മാത്രമാണ് പ്രതിയെന്ന് പോലീസ്. ഇയാൾക്ക് ആരെങ്കിലും സഹായം ചെയ്ത് നൽകിയിട്ടുണ്ടോയെന്ന് അന്വേഷിക്കുമെന്നും പോലീസ് വ്യക്തമാക്കി.
ഇരട്ടകുഴലുള്ള നാടൻ തോക്ക് ഉപയോഗിച്ചാണ് ഇയാൾ വെടിവച്ചത്. ഇയാൾ തോക്ക് വാങ്ങിയ സ്ഥലത്തെക്കുറിച്ച് പോലീസിന് വിവരം ലഭിച്ചിട്ടുണ്ട്. തോക്ക് ഇയാൾ മോഷ്ടിച്ചതാണെന്ന് സൂചനയുണ്ടെന്നും പോലീസ് അറിയിച്ചു.
ഇയാളെ പോലീസ് ചോദ്യം ചെയ്തു. മെഡിക്കൽ പരിശോധനയ്ക്ക് ശേഷം വെടിവയ്പ്പുണ്ടായ സ്ഥലത്തെത്തിച്ച് ഇന്ന് തന്നെ തെളിവെടുപ്പ് നടത്തുമെന്നും പോലീസ് അറിയിച്ചു