കൊച്ചി: തൊഴിലാളി സംഘടനകള്‍ 28, 29 തീയതികളില്‍ ആഹ്വാനം ചെയ്തിരിക്കുന്ന 48 മണിക്കൂര്‍ ദേശീയ പണിമുടക്കില്‍ സംസ്ഥാനത്തെ വ്യവസായ, വാണിജ്യ മേഖലകളുടെ പ്രവര്‍ത്തനം തടസപ്പെടാതിരിക്കാന്‍ നടപടി സ്വീകരിക്കണമെന്നാവശ്യപ്പെട്ട് ഫിക്കി കേരള സ്റ്റേറ്റ് കൗണ്‍സില്‍ മുഖ്യമന്ത്രി പിണറായി വിജയന് കത്ത് നല്‍കി.
സമാധാനപരമായി സമരം ചെയ്യാനുള്ള എല്ലാ അവകാശങ്ങളും തൊഴിലാളി സംഘടനകള്‍ക്ക് ഉണ്ടെന്നും എന്നാല്‍ വാണിജ്യ വ്യവസായ മേഖലയില്‍ ഉള്ളവര്‍ക്ക് സ്ഥാപനങ്ങളും പ്രവര്‍ത്തനങ്ങളും തടസപ്പെടാതെ മുന്നോട്ട് കൊണ്ടുപോകാനുള്ള തുല്യ അവകാശം ഉണ്ടെന്നും ഫിക്കി കേരള സ്റ്റേറ്റ് കൗണ്‍സില്‍ ചെയര്‍മാന്‍ ദീപക് എല്‍ അസ്വാനി, കോ- ചെയര്‍ ഡോ. എം.ഐ. സഹദുള്ള എന്നിവര്‍ കത്തില്‍ ചൂണ്ടിക്കാട്ടി.
