കണ്ടാൽ നല്ല ആരോഗ്യമുള്ള വ്യക്തി, വർക്ക്ഔട്ടുകൾ ചെയ്ത് തഴമ്പിച്ച ശരീരം ഇങ്ങനെയുള്ള ഒരാൾക്ക് എന്തെങ്കിലും കാര്യമായ അസുഖം ഉണ്ടെന്ന് പറഞ്ഞാൽ ആരെങ്കിലും വിശ്വസിക്കുമോ? ഇപ്പോളിതാ ബോളിവുഡ് താരം സൽമാൻ ഖാൻ നേരിടുന്ന ആരോഗ്യ പ്രശ്നമാണ് ചർച്ച വിഷയം. അടുത്തിടെയാണ് താരം താൻ നേരിടുന്ന കടുത്ത ആരോ​ഗ്യപ്രശ്നങ്ങളേക്കുറിച്ച് മനസുതുറന്നത്‌. അതിലൊന്ന് അധികമാരും കേട്ടിട്ടില്ലാത്ത ട്രൈജെമിനൽ ന്യൂറാൾജിയ എന്ന രോ​ഗമായിരുന്നു. എന്താണ് ട്രൈജെമിനൽ ന്യൂറാൾജിയ? പെട്ടെന്ന് കേൾക്കുമ്പോൾ എന്ത് രോഗമാണ് ഇതെന്ന് പിടികിട്ടില്ല. എന്നാൽ ഏറ്റവും വേദനാജനകമായ രോ​ഗങ്ങളിൽ ഒന്നാണ് ഇതെന്നാണ് ആരോഗ്യ വിദഗ്ധർ പറയുന്നത്.

ഈ രോ​ഗം ബാധിക്കുന്നത് മുഖത്ത് സംവേദനങ്ങൾ സാധ്യമാക്കുന്ന നാഡിയെയാണ്. നാഡികൾ തലച്ചോറിൽ നിന്ന് ആരംഭിക്കുന്ന ഭാ​ഗത്ത് ഞരമ്പുകൾ ഉരസിയുണ്ടാകുന്ന കേടുപാടുകളാണ് പ്രധാന കാരണം. ഞരമ്പുകളുടെ വികാസ സങ്കോചങ്ങൾ കാരണം നാഡിയുടെ സംരക്ഷണകവചം ക്ഷയിക്കും. തുടർന്ന് ഇവ ഹെെപ്പർ ആക്ടീവ് ആകുന്നതുമൂലമാണ് വേദന അനുഭവപ്പെടുന്നത്. വളരെ അസാധാരണമായ ട്യൂമറുകൾ, ധമനിവീക്കം, സ്ട്രോക്ക് എന്നിവയൊക്കെ ഈ അവസ്ഥയ്ക്ക് കാരണമാകാറുണ്ട്. ഏറ്റവും ബുദ്ധിമുട്ടേറിയ കാര്യം ചെറിയ സ്പര്‍ശമേല്‍ക്കുമ്പോഴും കാറ്റുതട്ടുമ്പോഴും ചിരിക്കുമ്പോഴും പോലും മുഖത്ത് ഷോക്ക് അടിക്കുന്നതുപോലെ അനുഭവപ്പെടുകയും കടുത്ത വേദനയുണ്ടാവുകയും ചെയ്യുമെന്നതാണ്.

ഈ വേദന ഏതാനും സെക്കൻഡുകൾ തൊട്ട് മിനിറ്റുകൾ വരെ നീണ്ടുനിൽക്കാം. അമ്പത് കഴിഞ്ഞവരെയാണ് കൂടുതലായി ഇത് ബാധിക്കുന്നത് എന്നാണ് റിപ്പോർട്ടുകൾ. ജനിതകഘടകങ്ങൾ, ഓട്ടോഇമ്മ്യൂൺ തകരാറുകൾ, നാഡീസംബന്ധമായ രോ​ഗങ്ങൾ തുടങ്ങിയവ അപകടസാധ്യതാ ​ഘടകങ്ങളാണ്. പലരിലും മരുന്ന് കൊണ്ട് തന്നെ രോഗത്തിന് ഒരു പരിധിവരെ ശമനമുണ്ടാക്കാൻ കഴിയും. എങ്കിലും മരുന്ന് ഫലപ്രദമല്ലാത്ത ഘട്ടത്തിൽ ശസ്ത്രക്രിയ തന്നെ വേണ്ടി വരും. വേദനയുടെ തീവ്രത മൂലം ‘സൂയിസൈഡ് ഡിസീസ്’ എന്ന വിളിപ്പേരും ഈ രോ​ഗത്തിനുണ്ട്. പല രോ​ഗികളിലും വേദനയുടെ ആഘാതം സഹിക്കാൻ വയ്യാതെ ആത്മഹത്യ ചിന്തകൾപോലും ഉണ്ടാകാറുണ്ടെന്നും ആരോഗ്യ വിദഗ്ധര്‍ പറയുന്നു.

കണ്ടാൽ നല്ല ആരോഗ്യമുള്ള വ്യക്തി, വർക്ക്ഔട്ടുകൾ ചെയ്ത് തഴമ്പിച്ച ശരീരം ഇങ്ങനെയുള്ള ഒരാൾക്ക് എന്തെങ്കിലും കാര്യമായ അസുഖം ഉണ്ടെന്ന് പറഞ്ഞാൽ ആരെങ്കിലും വിശ്വസിക്കുമോ? ഇപ്പോളിതാ ബോളിവുഡ് താരം സൽമാൻ ഖാൻ നേരിടുന്ന ആരോഗ്യ പ്രശ്നമാണ് ചർച്ച വിഷയം. അടുത്തിടെയാണ് താരം താൻ നേരിടുന്ന കടുത്ത ആരോ​ഗ്യപ്രശ്നങ്ങളേക്കുറിച്ച് മനസുതുറന്നത്‌. അതിലൊന്ന് അധികമാരും കേട്ടിട്ടില്ലാത്ത ട്രൈജെമിനൽ ന്യൂറാൾജിയ എന്ന രോ​ഗമായിരുന്നു. എന്താണ് ട്രൈജെമിനൽ ന്യൂറാൾജിയ? പെട്ടെന്ന് കേൾക്കുമ്പോൾ എന്ത് രോഗമാണ് ഇതെന്ന് പിടികിട്ടില്ല. എന്നാൽ ഏറ്റവും വേദനാജനകമായ രോ​ഗങ്ങളിൽ ഒന്നാണ് ഇതെന്നാണ് ആരോഗ്യ വിദഗ്ധർ പറയുന്നത്.

ഈ രോ​ഗം ബാധിക്കുന്നത് മുഖത്ത് സംവേദനങ്ങൾ സാധ്യമാക്കുന്ന നാഡിയെയാണ്. നാഡികൾ തലച്ചോറിൽ നിന്ന് ആരംഭിക്കുന്ന ഭാ​ഗത്ത് ഞരമ്പുകൾ ഉരസിയുണ്ടാകുന്ന കേടുപാടുകളാണ് പ്രധാന കാരണം. ഞരമ്പുകളുടെ വികാസ സങ്കോചങ്ങൾ കാരണം നാഡിയുടെ സംരക്ഷണകവചം ക്ഷയിക്കും. തുടർന്ന് ഇവ ഹെെപ്പർ ആക്ടീവ് ആകുന്നതുമൂലമാണ് വേദന അനുഭവപ്പെടുന്നത്. വളരെ അസാധാരണമായ ട്യൂമറുകൾ, ധമനിവീക്കം, സ്ട്രോക്ക് എന്നിവയൊക്കെ ഈ അവസ്ഥയ്ക്ക് കാരണമാകാറുണ്ട്. ഏറ്റവും ബുദ്ധിമുട്ടേറിയ കാര്യം ചെറിയ സ്പര്‍ശമേല്‍ക്കുമ്പോഴും കാറ്റുതട്ടുമ്പോഴും ചിരിക്കുമ്പോഴും പോലും മുഖത്ത് ഷോക്ക് അടിക്കുന്നതുപോലെ അനുഭവപ്പെടുകയും കടുത്ത വേദനയുണ്ടാവുകയും ചെയ്യുമെന്നതാണ്.

ഈ വേദന ഏതാനും സെക്കൻഡുകൾ തൊട്ട് മിനിറ്റുകൾ വരെ നീണ്ടുനിൽക്കാം. അമ്പത് കഴിഞ്ഞവരെയാണ് കൂടുതലായി ഇത് ബാധിക്കുന്നത് എന്നാണ് റിപ്പോർട്ടുകൾ. ജനിതകഘടകങ്ങൾ, ഓട്ടോഇമ്മ്യൂൺ തകരാറുകൾ, നാഡീസംബന്ധമായ രോ​ഗങ്ങൾ തുടങ്ങിയവ അപകടസാധ്യതാ ​ഘടകങ്ങളാണ്. പലരിലും മരുന്ന് കൊണ്ട് തന്നെ രോഗത്തിന് ഒരു പരിധിവരെ ശമനമുണ്ടാക്കാൻ കഴിയും. എങ്കിലും മരുന്ന് ഫലപ്രദമല്ലാത്ത ഘട്ടത്തിൽ ശസ്ത്രക്രിയ തന്നെ വേണ്ടി വരും. വേദനയുടെ തീവ്രത മൂലം ‘സൂയിസൈഡ് ഡിസീസ്’ എന്ന വിളിപ്പേരും ഈ രോ​ഗത്തിനുണ്ട്. പല രോ​ഗികളിലും വേദനയുടെ ആഘാതം സഹിക്കാൻ വയ്യാതെ ആത്മഹത്യ ചിന്തകൾപോലും ഉണ്ടാകാറുണ്ടെന്നും ആരോഗ്യ വിദഗ്ധര്‍ പറയുന്നു.