പാലക്കാട്: മങ്കരയിൽ നിന്നും ബുധനാഴ്ച കാണാതായ യുവാവിന്റെ മൃതദേഹം ഭാരതപ്പുഴയിൽ കണ്ടെത്തി. മങ്കര താവളംകൊട്ടിലില് വീട്ടില് നാസറി(43)ന്റെ മൃതദേഹമാണ് കണ്ടെത്തിയത്. തിരുനാവായ ബന്തര് കടവിന് സമീപത്തെ പുഴയിലെ പുല്ക്കാട്ടില് കുടുങ്ങിയ നിലയില് നിലയിലായിരുന്നു മൃതദേഹം. ഇന്ന് രാവിലെ എട്ട് മണിയോടെയാണ് മൃതദേഹം കണ്ടെത്തിയത്.
ബുധനാഴ്ച പുലര്ച്ചെയാണ് വീട്ടുകാരുമായി പിണങ്ങിയ നാസർ വീടുവിട്ടിറങ്ങിയത്. നേരെത്തെ ഒമാനിൽ ജോലി ചെയ്തിരുന്ന നാസർ ദുബായിലേക്ക് പോകാനായുള്ള തയ്യാറെടുപ്പിലായിരുന്നു. ഇതിനിടെയാണ് വീട്ടുകാരുമായി പിണങ്ങി ഇറങ്ങിപ്പോയത്. ഇതേത്തുടർന്ന് യുവാവിനെ കാണാതായതായി ബന്ധുക്കൾ പോലീസിൽ പരാതി നൽകിയിരുന്നു. പരാതിയുടെ അടിസ്ഥാനത്തിൽ യുവാവിനെ കണ്ടെത്താനായി മങ്കര പോലീസ് അന്വേഷണം നടത്തുന്നതിനിടെയാണ് തിരുനാവായ ബന്തര് കടവിന് സമീപത്തെ പുഴയിൽ നിന്നും മൃതദേഹം കണ്ടെത്തിയത്. പോലീസും നാട്ടുകാരും ചേര്ന്ന് മൃതദേഹം കരയ്ക്കെത്തിച്ചു. തിരൂര് ജില്ലാ ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം പോസ്റ്റുമോർട്ടം നടപടികൾക്ക് ശേഷം കുടുംബത്തിന് വിട്ടുനല്കും.