കൊച്ചി: സംസ്ഥാനത്ത് റെക്കോര്ഡുകള് തിരുത്തി സ്വര്ണവില കുതിക്കുന്നത് തുടരുന്നു. സംസ്ഥാനത്ത് ആദ്യമായി സ്വര്ണവില 48,000 കടന്നു. ഇന്ന് 320 രൂപ വര്ധിച്ചതോടെയാണ് സ്വര്ണവില 48,000 കടന്നത്. നിലവില് 48,080 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 40 രൂപയാണ് ഉയര്ന്നത്. 6010 രൂപയാണ് ഒരു ഗ്രാം സ്വര്ണത്തിന്റെ വില.
കഴിഞ്ഞ മാസം 15ന് 45,520 രൂപയായി താഴ്ന്ന് ആ മാസത്തെ ഏറ്റവും താഴ്ന്ന നിലവാരത്തിലേക്ക് ഇടിഞ്ഞ ശേഷം സ്വര്ണവില തിരിച്ചുകയറുന്നതാണ് കണ്ടത്. 20 ദിവസത്തിനിടെ 2500 രൂപയിലധികമാണ് ഉയര്ന്നത്.കഴിഞ്ഞ ദിവസം മുതലാണ് റെക്കോര്ഡുകള് ഭേദിച്ചുള്ള സ്വര്ണവിലയുടെ കുതിപ്പ് ആരംഭിച്ചത്. ചൊവ്വാഴ്ച 47,560 രൂപയായി ഉയര്ന്നാണ് ആദ്യം സര്വകാല റെക്കോര്ഡ് ഇട്ടത്. ഇന്നലെ വീണ്ടും ഉയര്ന്ന് പുതിയ ഉയരം കുറിച്ചു. ഇന്ന് 48,000 കടന്നും മുന്നേറിയതോടെയാണ് വീണ്ടും റെക്കോര്ഡ് തിരുത്തിയത്.