തൃശൂര്‍: ചാവക്കാട് ലോറിയില്‍ കൊണ്ടുപോവുകയായിരുന്ന ആനയ്ക്ക് അപകടത്തില്‍ പരുക്ക്. എതിരെ വന്ന ലോറിയിടിച്ച് ആനയുടെ കൊമ്പറ്റു. കുളക്കാടന്‍ കുട്ടികൃഷ്ണന് എന്ന കൊമ്പനാണു പരുക്കേറ്റത്. അപകടത്തിനു പിന്നാലെ ലോറി നിര്‍ത്താതെ പോയി.
ഉത്സവങ്ങളില്‍ സ്ഥിരമായി എഴുന്നള്ളിക്കാറുള്ള കുളക്കാടന്‍ കുട്ടികൃഷ്ണന് ആരാധകര്‍ ഏറെയാണുള്ളത്.അപകടത്തില്‍ കൊമ്പ് എത്രത്തോളം അറ്റുപോയിട്ടുണ്ടെന്ന വിവരം ലഭ്യമായിട്ടില്ല. സംഭവത്തില്‍ നിര്‍ത്താതെ പോയ ലോറിക്കായി അന്വേഷണം ആരംഭിച്ചിട്ടുണ്ട്.
