ട്രെയിനിൽ ഉറങ്ങിക്കിടന്ന യുവതിക്ക് മുന്നിലിരുന്ന് സ്വയംഭോഗം ചെയ്ത 42 കാരനെ പോലീസ് അറസ്റ്റ് ചെയ്തു. ട്രെയിൻ കർണാടകയിലെ ഗോകർണ സ്റ്റേഷനിൽ എത്തിയപ്പോഴാണ് സംഭവം. കേരളത്തിൽ നിന്ന് സുഹൃത്തുക്കളോടൊപ്പം ഗോവയിലേക്ക് പോകുകയായിരുന്ന യുവതിക്ക് മുന്നിലിരുന്നാണ് 42 കാരൻ നഗ്നതാപ്രദർശനം നടത്തുകയും സ്വയംഭോഗം ചെയ്യുകയും ചെയ്തത്.
യുവതിക്കൊപ്പമുണ്ടായിരുന്ന രണ്ട് സുഹൃത്തുക്കളാണ് ആദ്യം യുവാവിന്‍റെ പ്രവൃത്തി കണ്ടത്. ഉടനെ ഇവർ ബഹളം വെച്ചു. ഇതോടെ യുവാവ് സീറ്റിൽ നിന്നും എഴുന്നേറ്റ് മറ്റൊരു കോച്ചിലേക്ക് പോയി. യുവതിയും സുഹൃത്തുക്കളും റെയിൽവേ എമർജൻസി നമ്പറിൽ വിവരം അറിയിച്ചു. തുടർന്ന് ട്രെയിൻ മാർഗാവോ റെയിൽവേ സ്റ്റേഷനിൽ എത്തുകയും അവിടെ കാത്തുനിന്ന ഗോവ പൊലീസിന്‍റെ കൊങ്കൺ റെയിൽവേ യൂണിറ്റ് യുവാവിനെ അറസ്റ്റ് ചെയ്യുകയായിരുന്നു.
