ഡല്ഹി: പ്രധാനമന്ത്രി നടത്തിയ ക്രിസ്മസ് വിരുന്നില് പങ്കെടുത്തത് ബിഷപ്പുമാര്ക്കെതിരെ വിമര്ശനവുമായി സി പി ഐ സംസ്ഥാന സെക്രട്ടറി ബിനോയ് വിശ്വം എം പി. ചടങ്ങില് പങ്കെടുത്ത ബിഷപ്പുമാര്, എം എസ് ഗോള്വല്ക്കര് ക്രിസ്ത്യാനികളെക്കുറിച്ച് എഴുതിയത് വായിക്കണമെന്ന് ബിനോയ് വിശ്വം ആവശ്യപ്പെട്ടു. ഗോള്വല്ക്കര് എഴുതിയത് വായിച്ചാല് ആര് എസ് എസിന്റെ രാഷ്ട്രീയ അജണ്ട എന്താണെന്ന് മനസിലാകുമായിരുന്നു എന്നും ബിനോയ് വിശ്വം പറഞ്ഞു. പ്രധാനമന്ത്രിയുടെ വിരുന്നില് മണിപ്പൂര് കലാപമടക്കമുള്ള വിഷയങ്ങളെക്കുറിച്ച് ബിഷപ്പുമാര് ചോദിക്കേണ്ടതായയിരുന്നു എന്നും ബിനോയ് വിശ്വം അഭിപ്രായപ്പെട്ടു.
അതേസമയം സഭാ പ്രതിനിധികളും വ്യവസായ പ്രമുഖരും ഉള്പ്പടെ 60 പേരാണ് പ്രധാനമന്ത്രിയുടെ ക്രിസ്മസ് വിരുന്നില് പങ്കെടുത്തത്. പ്രധാനമന്ത്രിയുടെ ഔദ്യോഗിക വസതിയിലായിരുന്നു വിരുന്ന് നടത്തിയത്. ഇതാദ്യമായാണ് ലോക് കല്യാണ് മാര്ഗിലെ മോദിയുടെ വസതിയില് ക്രിസ്മസ് വിരുന്നൊരുക്കിയത് കേരളം, ഡല്ഹി, ഗോവ, വടക്ക് കിഴക്കന് സംസ്ഥാനങ്ങളിലെ സഭാധ്യക്ഷന്മാര് എന്നിവരെയാണ് വിരുന്നിലേക്ക് മോദി ക്ഷണിച്ചത്.