തിരുവനന്തപുരം: തലസ്ഥാന നഗരയിലെ ഓടയിൽ വീണ് വഴിയാത്രക്കാരന് പരിക്ക്. വിട്ടിയൂര്ക്കാവ് സ്വദേശി മനോജിനാണ് പരിക്കേറ്റത്. ഐഎഫ്എഫ്കെ വേദിയായ ടാഗോര് തിയേറ്ററിന് മുൻ വശത്ത് റോഡ് മുറിച്ചുകടക്കുന്നതിനിടെയായിരുന്നു സംഭവം.
റോഡിന് നടുക്കുള്ള ഡിവൈഡറിൽ ഓടയിൽ സ്ലാബില്ലാത്ത ഭാഗത്ത് വീണായിരുന്നു അപകടം. കാലുകൾ ഓടയ്ക്കകത്ത് പോയ മനോജിനെ നാട്ടുകാര് ചേര്ന്നാണ് പുറത്തെടുത്തത്. കൈക്ക് ചെറിയ മുറിവേറ്റു.
