മുംബൈ: ബാന്ദ്ര-വർളി സീ ലിങ്ക് റോഡിൽ അപകടസ്ഥലത്തേക്ക് കാർ പാഞ്ഞു കയറി അഞ്ച് പേർ മരിച്ചു. ബുധനാഴ്ച പുലര്ച്ചെ മൂന്ന് മണിയോടെയായിരുന്നു സംഭവം. മുമ്പ് നടന്ന അപകടത്തില്പ്പെട്ടവരെ ആംബുലന്സിലേക്ക് മാറ്റാന് ശ്രമിക്കുന്നതിനിടെ അമിതവേഗത്തിലെത്തിയ മറ്റൊരു കാറിടിച്ചുകയറുകയായിരുന്നു. 12 പേര്ക്ക് പരിക്കേറ്റിട്ടുണ്ട്. അപകടത്തിൽ മരിച്ചവർക്ക് പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തി.
നേരത്തെ നടന്ന അപകടത്തില്പെട്ടവരെ ആശുപത്രിയിലേക്ക് മാറ്റാനായി ആംബുലന്സും മറ്റ് മൂന്ന് കാറുകളും റോഡില് നിര്ത്തിയിട്ടിരുന്നു. ഇതിന്റെ ഇടയിലേക്കാണ് അമിതവേഗത്തില് വന്ന മറ്റൊരു കാര് ഇടിച്ചുകയറിയത്. അഞ്ച് പേരും തല്ക്ഷണം മരിച്ചു.
ബാന്ദ്ര- വോര്ലി പാതയില് രണ്ട് കാറുകള് കൂട്ടിയിടിച്ചാണ് ആദ്യത്തെ അപകടമുണ്ടായത്. പരിക്കേറ്റവരെ ആശുപത്രിയിലേക്ക് മാറ്റാനായി ആംബുലന്സ് സ്ഥലത്തെത്തി. പരിക്കേറ്റവരെ കയറ്റി ആംബുലന്സ് പുറപ്പെടാനിരിക്കെയാണ് അമിതവേഗതയില് വന്ന മറ്റൊരു കാര് ഇവിടേക്ക് ഇടിച്ചുകയറിയത്.