റെയില്വേ ട്രാക്കില് ജോലി ചെയ്തിരുന്ന തൊഴിലാളികള് ട്രെയിനിടിച്ചു മരിച്ചു. തെലങ്കാനയിലെ പെദ്ദപ്പള്ളി ജില്ലയിലാണ് അപകടം നടന്നത്. ഡൽഹിയിൽ നിന്ന് ബംഗളൂരുവിലേക്ക് പോവുകയായിരുന്ന രാജധാനി എക്സ്പ്രസാണ് മൂന്നുപേരെയും ഇടിച്ചത്.
ദുർഗയ്യ, വേണു, സീനു എന്നിവരാണ് മരിച്ചത്. മറ്റൊരാൾ പരുക്കുകളോടെ രക്ഷപ്പെട്ടു. വൈകുന്നേരം നാലോടെ ചിക്കുറായി, കോതപ്പള്ളി വില്ലേജുകൾക്കിടയിലെ പാളത്തിൽ അറ്റകുറ്റപ്പണികൾ നടക്കുന്നതിനിടെയാണ് അപകടം നടന്നത്.
മൃതദേഹങ്ങൾ തിരിച്ചറിയാനാകാത്ത വിധം മാറിയിരുന്നു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.