ശ്രീനഗര്‍: ജമ്മു കശ്മീരില്‍ ടെലിവിഷന്‍ നടിയെ ഭീകരര്‍ വെടിവെച്ചു കൊന്നു. 35 വയസ്സുള്ള അമ്രീന്‍ ഭട്ടാണ് മരിച്ചത്.
ഇന്നലെ വൈകീട്ട് ബുദ്ഗാമിലാണ് സംഭവം. വീടിന് വെളിയില്‍ വച്ചായിരുന്നു ഭീകരരുടെ ആക്രമണം. ആക്രമണത്തില്‍ അമ്രീന്‍ ഭട്ടിന്റെ പത്തുവയസ്സുള്ള അനന്തരവനും പരിക്കേറ്റു.
ആക്രമണത്തില്‍ ഗുരുതരമായി പരിക്കേറ്റ അമ്രീന്‍ ഭട്ടിനെ ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. ലഷ്‌കര്‍ ഇ തയ്ബ ഭീകരരാണ് ഇതിന് പിന്നിലെന്നാണ് പൊലീസ് പറയുന്നത്.
ഷൂട്ടിന് എന്ന് പറഞ്ഞാണ് അവര്‍ രാത്രി വീട്ടില്‍ എത്തിയതെന്ന് ബന്ധു സുബൈര്‍ അഹമ്മദ് പറയുന്നു. അമ്രീന്‍ വീടിന് വെളിയിലേക്ക് ഇറങ്ങിയ സമയത്ത് ഭീകരര്‍ നിറയൊഴിക്കുകയായിരുന്നു. ഷൂട്ടിന് വരില്ല എന്ന് നടി പറഞ്ഞതോടെ ഭീകരര്‍ വെടിയുതിര്‍ക്കുകയായിരുന്നുവെന്നും ബന്ധുക്കള്‍ പറയുന്നു.
