അഹമ്മദാബാദ്: ഗുജറാത്തിലെ കച്ചിൽ സമുദ്രാതിർത്തി ലംഘിച്ച അഞ്ച് പാക് മത്സ്യബന്ധനബോട്ടുകൾ അതിർത്തി സംരക്ഷണസേന (ബിഎസ്എഫ്) പിടിച്ചെടുത്തു.
ഇന്ത്യാ-പാക് അതിർത്തിക്കു സമീപം ഹരാമി നലാ കടലിടുക്കിൽ നിന്നുമാണു ബോട്ടുകൾ പിടിച്ചെടുത്തത്. ഒരു പാക് മത്സ്യബന്ധനതൊഴിലാളിയെ അറസ്റ്റ്ചെയ്തിട്ടുമുണ്ട്. രക്ഷപെടാൻ ശ്രമിച്ച ബോട്ടുകൾക്കുനേരെ ബിഎസ്എഫ് സംഘം വെടിയുതിർത്തശേഷം പിന്തുടർന്നു പിടികൂടുകയായിരുന്നു. സംശയകരമായ ഒന്നും ബോട്ടുകളിൽ കണ്ടെത്തിയില്ലെന്നു ബിഎസ്എഫ് അറിയിച്ചു.
ഇതേ സ്ഥലത്തുനിന്നു വ്യാഴാഴ്ച രണ്ട് പാക് മത്സ്യബന്ധനത്തൊഴിലാളിയെ ബിഎസ്എഫ് പിടികൂടിയിരുന്നു. നാലു ബോട്ടുകളും പിടിച്ചെടുത്തു.
