കൊച്ചി: എറണാകുളം ജില്ലയിലെ തെരഞ്ഞെടുപ്പ് ഡെപ്യൂട്ടി കളക്ടറെ മാറ്റി. യുഡിഎഫിന്റെ പരാതിയെ തുടര്ന്നാണ് നടപടി. അനിത കുമാരിയെ വയനാട്ടിലേക്കാണ് മാറ്റിയത്.
വയനാട് ഡെപ്യൂട്ടി കളക്ടര് നിര്മല് കുമാറിനാണ് പകരം ചുമതല. തൃക്കാക്കരയിലെ വോട്ടര് പട്ടികയുമായി ബന്ധപ്പെട്ട് യുഡിഎഫ് മുഖ്യ തെരഞ്ഞെടുപ്പ് ഓഫീസര്ക്ക് പരാതി നല്കിയിരുന്നു.
കൂട്ടിച്ചേര്ക്കാന് യുഡിഎഫ് നല്കിയ പുതിയ വോട്ടുകളില് ഭൂരിഭാഗവും തള്ളിയെന്നായിരുന്നു പരാതി. 2011ല് വോട്ടര് പട്ടികയില് ക്രമക്കേട് നടത്തിയെന്ന ആരോപണത്തില് നടപടി നേരിട്ടയാളെയാണ് തെരഞ്ഞെടുപ്പ് ഡെപ്യൂട്ടി കളക്ടറായി എറണാകുളത്ത് നിയമിച്ചതെന്ന് ആരോപണമുണ്ടായിരുന്നു.