ശ്രീനഗർ: ജമ്മു കാഷ്മീരിൽ ലഷ്കർ ഭീകരനും സഹായിയും പിടിയിൽ. കാഷ്മീരിലെ അവന്തിപ്പോരയിൽനിന്നാണ് ഇവരെ പിടികൂടിയത്. ഇവരുടെ പക്കൽനിന്നും ഒരു തോക്കും കണ്ടെടുത്തു. പുറത്തുനിന്നുള്ള തൊഴിലാളികളെ കൊലപ്പെടുത്താൻ ഇവർ പദ്ധതിയിട്ടിരുന്നതായി പോലീസ് പറഞ്ഞു.
റയീസ് അഹമ്മദ് മിർ, സഹായി ഷാക്കിർ ഹമീദ് ഭട്ട് എന്നിവരെയാണ് സുരക്ഷാ സേനയും പോലീസും ചേർന്ന് പിടികൂടിയത്. പാംപോർ പട്ടണത്തിൽ പുറത്തുനിന്നുള്ള രണ്ട് തൊഴിലാളികളെ കൊലപ്പെടുത്താൻ റയീസ് അഹമ്മദിന് നിർദേശം ലഭിച്ചിരുന്നു.