ദുബൈ: റൂംമേറ്റിനെ കൊലപ്പെടുത്താന് ശ്രമിച്ച പ്രവാസിയെ 25 മിനിറ്റിനുള്ളില് പിടികൂടി ദുബൈ പൊലീസ്. സാമ്പത്തിക തര്ക്കത്തെ തുടര്ന്ന് 32കാരനായ ഏഷ്യന് തൊഴിലാളി തന്റെ റൂംമേറ്റിനെ കുത്തിയ ശേഷം രക്ഷപ്പെട്ടെന്ന വിവരം ലഭിച്ച ഉടന് അല് ഖുസൈസ് പൊലീസിലെ സിഐഡി സംഘം സ്ഥലത്തെത്തുകയായിരുന്നു.
കുത്തേറ്റയാളെ റാഷിദ് ആശുപത്രിയിലേക്ക് മാറ്റി. സംഭവം നടന്ന് 25 മിനിറ്റിനുള്ളില് പ്രതി പിടിയിലാകുകയായിരുന്നു. രക്തം പുണ്ട വസ്ത്രങ്ങള് ധരിച്ച് അലഞ്ഞുതിരിഞ്ഞ പ്രതിയെ പട്രോള് സംഘം പിടികൂടി. ഇയാള് കുറ്റം സമ്മതിച്ചു. കൃത്യത്തിന് ഉപയോഗിച്ച കത്തി വലിച്ചെറിഞ്ഞതായും പ്രതി കൂട്ടിച്ചേര്ത്തു. തുടര് നിയമനടപടികള്ക്കായി ഇയാളെ ബന്ധപ്പെട്ട വകുപ്പുകള്ക്ക് കൈമാറി.