മലപ്പുറം: വളാഞ്ചേരിയിൽ വൻ കുഴൽപ്പണ വേട്ട. രേഖകളില്ലാതെ കാറിൽ കടത്തുകയായിരുന്ന 1.38 കോടി രൂപ പോലീസ് പിടികൂടി. മഹാരാഷ്ട്ര സ്വദേശികളായ സഞ്ജയ് താനാജി സബ്കൽ, ഭാര്യ അർച്ചന എന്നിവരെ പോലീസ് കസ്റ്റഡിയിലെടുത്തു. ഇവരിൽനിന്നും 116 ഗ്രാം സ്വർണ നാണയങ്ങളും പിടികൂടി.
കോയമ്പത്തൂരിൽനിന്ന് വേങ്ങേരിയിലേക്ക് പോവുകയായിരുന്നു ഇവർ. കാറിന്റെ ഉള്ളിൽ പ്രത്യേക അറ നിർമിച്ച് അതിലാണ് പണം സൂക്ഷിച്ചിരുന്നത്. പോലീസിന് ലഭ്യമായ രഹസ്യ വിവരങ്ങളുടെ അടിസ്ഥാനത്തിലാണ് പരിശോധന നടത്തിയത്.
