ന്യൂഡല്ഹി: പോക്സോ കേസില് നമ്പര് 18 ഹോട്ടല് ഉടമ റോയ് വയലാട്ടിനും സുഹൃത്ത് സൈജു തങ്കച്ചനും മുൻകൂർ ജാമ്യം നൽകാനാവില്ലെന്ന് സുപ്രീം കോടതി. ഇതോടെ ഇരുവരും മുന്കൂര് ജാമ്യാപേക്ഷ പിൻവലിച്ചു.
സിസിടിവി ദൃശ്യങ്ങളും, ഇരയുടെ മൊഴിയും അടക്കം പരിശോധിച്ച ശേഷം ഹൈക്കോടതി തള്ളിയ മുന്കൂര് ജാമ്യാപേക്ഷയില് ഇടപെടാന് കഴിയില്ലെന്ന് സുപ്രീം കോടതി വ്യക്തമാക്കി. ജസ്റ്റീസുമാരായ സഞ്ജീവ് ഖന്ന, ബേല എം ത്രിവേദി എന്നിവരടങ്ങിയ ബെഞ്ചിന്റേതാണ് തീരുമാനം.
17 വയസ് മാത്രം പ്രായമുള്ള കുട്ടിയാണ് ഇരയെന്ന് കോടതി ചൂണ്ടിക്കാട്ടി. ഗൗരവമേറിയ കേസാണിത്. ഇരയുടെ രഹസ്യമൊഴിയുള്പ്പടെ പരിശോധിച്ച ശേഷമാണ് ഹൈക്കോടതി മുന്കൂര് ജാമ്യം നിഷേധിച്ചതെന്നും കോടതി ചൂണ്ടിക്കാട്ടി.