തിരുവനന്തപുരം: ഇടുക്കി തഹസിൽദാർക്ക് സസ്പെൻഷൻ. ഇടുക്കി താലൂക്ക് പരിധിയിൽപെട്ട കഞ്ഞിക്കുഴി പഞ്ചായത്തിലെ ആദിവാസി ജനവിഭാഗങ്ങൾക്ക് പട്ടയം അനുവദിക്കുന്നതിൽ വീഴ്ചകൾ വരുത്തിയതിനാണ് നടപടി.
പട്ടയം അനുവദിക്കുന്നില്ലെന്നു പറഞ്ഞ നിരവധി പരാതികൾ റവന്യു മന്ത്രിക്ക് ലഭിച്ചിരുന്നു. പരാതികളുടെ അടിസ്ഥാനത്തിൽ അന്വേഷണം നടത്തി റിപ്പോർട്ട് സമർപ്പിക്കുന്നതിന് മന്ത്രി നിർദേശശം നല്കിയിരുന്നു. ഈ അന്വേഷണ റിപ്പോർട്ടിൽ തഹസിൽദാരുടെ ഭാഗത്തു നിന്നും ഗുരുതരമായ വീഴ്ച്ചകൾ ഉണ്ടെന്ന് കണ്ടെത്തി. തുടർന്നാണ് തഹസിൽദാർക്കെതിരെ നടപടി സ്വീകരിച്ചത്.
