ആലപ്പുഴ: ആലപ്പുഴയിൽ വൻ വിദേശമദ്യ വേട്ട. രഹസ്യ വിവരത്തെ തുടർന്ന് എക്സൈസ് സംഘം നടത്തിയ പരിശോധനയിൽ 553 കുപ്പി വിദേശമദ്യമാണ് കണ്ടെത്തിയത്. അച്ചൻകോവിലാറിന് തീരത്തായി ഒമ്പത് പ്ലാസ്റ്റിക് ചാക്കിനുള്ളിൽ ഒളിപ്പിച്ചു വെച്ച നിലയിലായിരുന്നു മദ്യം. കാർത്തികപള്ളി എക്സ്സൈസ് റേഞ്ച് ഇൻസ്പെക്ടർ എസ് രാധാകൃഷ്ണന്റെ നേതൃത്വത്തിലായിരുന്നു പരിശോധന. സംഭവത്തിൽ പ്രതികളെ കുറിച്ച് അന്വേഷണം ആരംഭിച്ചു.