ഓണ്‍ലൈന്‍ മ്യൂസിക് പ്ലാറ്റ്‌ഫോമായ സ്‌പോട്ടിഫൈ ഇപ്പോള്‍ ഉപയോക്താക്കള്‍ക്കായി എഐ അധിഷ്ഠിതമായ ഒരു അസിസ്റ്റന്‍ഡിനെ കൂടി അവതരിപ്പിച്ചിരിക്കുകയാണ്. നിങ്ങളുടെ അഭിരുചിക്കനുസരിച്ച് പാട്ടുകള്‍ നിര്‍ദേശിക്കാനാണ് എക്‌സ് എന്ന എഐ ഡിജെയെ അവതരിപ്പിച്ചിരിക്കുന്നത്. ഡിജെ എന്നാണ് വിളിക്കുന്നതെങ്കിലും റേഡിയോ ജോക്കി(ആര്‍ജെ)യാണ് എക്‌സ്.
നിങ്ങളോട് സംസാരിക്കുകയും നിങ്ങളുടെ അഭിരുചിക്കനുസിരിച്ച് പാട്ടുകള്‍ നിര്‍ദേശിക്കാനും എഐ ഡിജെയ്ക്ക് കഴിയും. ഫെബ്രുവരിയിലായിരുന്നു ഈ ഫീച്ചര്‍ സ്‌പോട്ടിഫൈ അവതരിപ്പിച്ചിരുന്നു.
ഉപയോക്താക്കളോട് സംസാരിക്കാനും വോയ്‌സ് കമാന്‍ഡ് നല്‍കാനും ചോദ്യങ്ങള്‍ക്ക് ഉത്തരം നല്‍കാനും ഡിജെയ്ക്ക് കഴിയും. കൂടാതെ തമാശയില്‍ പൊതിഞ്ഞ അഭിപ്രായപ്രകടനങ്ങളും എഐ ഡിജെ നടത്തും. ഈ സേവനം ഇപ്പോള്‍ മറ്റു രാജ്യങ്ങളിലേക്കും വ്യാപിപ്പിക്കാനാണ് സ്‌പോട്ടിഫൈ തീരുമാനം.
