മാരക ലഹരിമരുന്നായ എംഡിഎംഎയുമായി സ്വകാര്യ ബസ് ഡ്രൈവർ അറസ്റ്റിൽ. മേത്തല കുന്നംകുളം സ്വദേശി വേണാട്ട് ഷൈൻ(24) ആണ് അറസ്റ്റിലായത്. കൊടുങ്ങല്ലൂരിൽ യാത്രക്കാരുമായി സർവീസ് നടത്തുന്നതിനിടെയാണ് ഇയാളെ പോലീസ് പിടികൂടിയത്.
കൊടുങ്ങല്ലൂര്‍ – പറവൂര്‍ റൂട്ടില്‍ സര്‍വീസ് നടത്തുന്ന അഖില മോള്‍ എന്ന ബസിലെ ഡ്രൈവറാണ് ഷൈന്‍. ഇയാളുടെ പക്കല്‍നിന്നു പതിമൂന്ന് പൊതികളിലായി സൂക്ഷിച്ച എംഡിഎംഎ കണ്ടെടുത്തു.
പോലീസിന് ലഭിച്ച രഹസ്യവിവരത്തെത്തുടർന്നാണ് വടക്കെ നടയില്‍ വച്ചു പരിശോധന നടത്തിയത്. ആദ്യം ഒരു പൊതിയാണ് ലഭിച്ചത്. ദേഹപരിശോധന നടത്തിയപ്പോഴാണ് ബാക്കി പൊതികൾ കണ്ടെടുത്തത്. ബംഗളൂരുവിൽനിന്നാണ് എംഡിഎംഎ കൊണ്ടുവന്നതെന്നു പ്രതി പോലീസിനോടു പറഞ്ഞു.
ഡിവൈഎസ്പി സലീഷ് ശങ്കരന്‍റെ നേതൃത്വത്തില്‍ സ്‌പെഷ്യല്‍ സ്‌ക്വാഡും ഡാന്‍സാഫും ചേര്‍ന്നാണ് ഇയാളെ അറസ്റ്റ് ചെയ്തത്.
