പത്തനംതിട്ട: പുല്ലാട് ബാലിക സദനിൽ നിന്നും ചാടിപ്പോകാൻ പെൺകുട്ടികളുടെ ശ്രമം. ഇവരെ പിന്നീട് കണ്ടെത്തി. ഇന്ന് വൈകുന്നേരത്തോടെയാണ് 18,13 വയസ് പ്രായമുള്ള പെൺകുട്ടികൾ ഇവിടെ നിന്നും ചാടിപ്പോകാൻ ശ്രമിച്ചത്.
ഇവരെ പിന്നീട് കനാൽ പരിസരത്ത് നിന്നും കണ്ടെത്തി. ഇവർ ചാടിപ്പോകാനുള്ള കാരണം വ്യക്തമല്ല. ഇവരുടെ മൊഴിയെടുക്കുമെന്നും സംഭവത്തെക്കുറിച്ച് അന്വേഷിക്കുമെന്നും പോലീസ് അറിയിച്ചു. സംഭവമറിഞ്ഞ ഡിവൈഎഫ്ഐ പ്രവർത്തകർ ബാലിക സദനിലേക്ക് പ്രതിഷേധ മാർച്ച് നടത്തി.