ജെഡിഎസിൽ എൽജെഡി ലയിക്കും. ലയനം സംബന്ധിച്ച് ധാരണയായെന്ന് എല്ജെഡി സംസ്ഥാന അധ്യക്ഷന് എം.വി ശ്രേയാംസ് കുമാര് അറിയിച്ചു. അഭിപ്രായ വ്യത്യാസങ്ങള് പരിഹരിച്ചു. ഭാരവാഹിത്വം തുല്യമായി വീതിച്ചുനല്കും.
കോഴിക്കോട് നടന്ന സംസ്ഥാനസമിതി യോഗത്തിലാണ് ഇരുപാര്ട്ടികളും ഒന്നിക്കാനുള്ള തീരുമാനമുണ്ടായത്. മാത്യു ടി.തോമസ് പ്രസിഡന്റായി തുടരും. ഏഴ് ജില്ലാകമ്മിറ്റികള് എല്ജെഡിയ്ക്കും ഏഴെണ്ണം ജെഡിഎസിനും ലഭിക്കും.
കേരളത്തിലെ രാഷ്ട്രീയ സാഹചര്യംവച്ചാണ് ലയിക്കാനുള്ള തീരുമാനമെന്ന് ശ്രേയാംസ്കുമാർ പറഞ്ഞു. പാര്ട്ടിയിലെ വിയോജിപ്പുകള് പരിഹരിച്ചു. സ്ഥാനങ്ങളല്ല, പാര്ട്ടിയുടെ മുന്നോട്ടുള്ള യാത്രയാണ് പ്രധാനം. പാര്ട്ടിയില് അധ്യക്ഷസ്ഥാനത്തെ ചൊല്ലി തര്ക്കങ്ങളില്ല. ലയനസമ്മേളനം ഉടന് നടത്തുമെന്നും ശ്രേയാംസ്കുമാർ കൂട്ടിച്ചേർത്തു. 13വര്ഷങ്ങള്ക്ക് ശേഷമാണ് എല്ജെഡി ജെഡിഎസില് തിരികെയെത്തുന്നത്