കാൺപൂർ: ഉത്തർപ്രദേശിലെ കാൺപൂരിൽ പോലീസുകാർക്ക് നേരെ വെടിയുതിർത്ത് യുവാവ്. ആക്രമണത്തിൽ മൂന്ന് പോലീസുകാർക്ക് പരിക്കേറ്റു. വെടിയുതിർത്ത രാജ്കുമാർ ദുബെ എന്നയാളെ പോലീസ് അറസ്റ്റ് ചെയ്തു.
ബന്ധുക്കളുമായുള്ള വഴക്കിനെ തുടർന്നാണ് ഇയാൾ പോലീസിനു നേരെ വെടിയുതിർത്തത്. ഇയാൾക്ക് മാനസിക പ്രശ്നമുണ്ടെന്ന് പോലീസ് അറിയിച്ചു. ബന്ധുക്കളുമായി വഴക്കുണ്ടായപ്പോൾ തന്നെ ഇയാൾ പോലീസിനെ വിവരമറിയിച്ചു. പോലീസ് എത്തിയപ്പോൾ രാജ്കുമാർ അവർക്ക് നേരെ വെടിയുതിർക്കുകയായിരുന്നു.