തിരുവനന്തപുരം: സിപിഎം പാര്‍ട്ടി കോണ്‍ഗ്രസ് സെമിനാറില്‍ പങ്കെടുക്കുന്ന കാര്യത്തിലെ തീരുമാനം വ്യാഴാഴ്ച അറിയിക്കുമെന്നു മുതിര്‍ന്ന കോണ്‍ഗ്രസ് നേതാവ് കെ.വി. തോമസ്. രാവിലെ 11ന് മാധ്യമങ്ങളെ കാണുമെന്നും അദ്ദേഹം അറിയിച്ചു.
അതേസമയം, പാര്‍ട്ടികോണ്‍ഗ്രസ് സെമിനാറില്‍ പങ്കെടുക്കുന്നതില്‍നിന്നു ശശി തരൂര്‍ എംപി പിന്‍മാറിയിരുന്നു. പരിപാടിയില്‍ പങ്കെടുക്കുന്നതിനു ഹൈക്കമാന്‍ഡ് വിലക്കേര്‍പ്പെടുത്തി സാഹചര്യത്തിലാണ് അദ്ദേഹത്തിന്‍റെ പിന്മാറ്റം.
കെ.വി. തോമസിനെ പാര്‍ട്ടിയിലേക്കല്ല ക്ഷണിച്ചതെന്നും പാര്‍ട്ടി കോണ്‍ഗ്രസിലെ സെമിനാറിലേക്കാണെന്നും സിപിഎം കണ്ണൂര്‍ ജില്ലാ സെക്രട്ടറി എംവി ജയരാജന്‍ പറഞ്ഞു. സെമിനാറില്‍ കോണ്‍ഗ്രസിന്‍റെ അഭിപ്രായം പറയാനാണ് ക്ഷണിച്ചത്. പങ്കെടുക്കില്ലെന്നു തോമസ് അറിയിച്ചിട്ടില്ല. അതാണ് പരിപാടിയില്‍ പേര് ഉള്‍പ്പെടുത്തിയതെന്നും ജയരാജന്‍ പറഞ്ഞു.
