തിരുവനന്തപുരം: സർക്കാർ ഖജനാവിൽനിന്നു പണം ചെലവഴിച്ച് കേരള, തമിഴ്നാട് മുഖ്യമന്ത്രിമാർ കണ്ണൂരിൽ കൂടിക്കാഴ്ച നടത്തിയിട്ടും മുല്ലപ്പെരിയാർ വിഷയം ചർച്ച ചെയ്യാത്തത് എന്തുകൊണ്ടാണെന്നു കേന്ദ്രമന്ത്രി വി.മുരളീധരൻ.
പ്രശ്നപരിഹാരത്തിന് മുഖ്യമന്ത്രിതല ചർച്ച നടത്തുമെന്ന് സർക്കാർ നിയമസഭയിൽ പറഞ്ഞതാണ്. നരേന്ദ്ര മോദിയെ ആക്രമിക്കാൻ സ്റ്റാലിനെ കൂട്ടുപിടിച്ച പിണറായി വിജയൻ മുല്ലപ്പെരിയാർ അണക്കെട്ട് സംബന്ധിച്ച കേരളത്തിലെ ജനങ്ങളുടെ ആശങ്കയകറ്റാൻ എന്തു ചെയ്തെന്നും മുരളീധരൻ ചോദിച്ചു.
ഇടുക്കിയിലെ ജനങ്ങൾ വളരെ വലിയ ആശങ്കയിലാണ്. മുല്ലപ്പെരിയാർ അണക്കെട്ടിനെക്കുറിച്ച് തമിഴ്നാട് മുഖ്യമന്ത്രിയുമായി ചർച്ച നടത്തിയെങ്കിൽ അക്കാര്യം മുഖ്യമന്ത്രി പിണറായി വിജയൻ വ്യക്തമാക്കണം എന്നും മുരളീധരൻ കൂട്ടിച്ചേർത്തു
