കണ്ണൂർ: മുഖ്യമന്ത്രി പിണറായി വിജയന്റെ മണ്ഡലമായ ധർമടത്തും കെ റെയിൽ കല്ലിടലിനെതിരേ ശക്തമായ പ്രതിഷേധം. സ്ത്രീകൾ ഉൾപ്പടെയുള്ള നാട്ടുകാരാണ് ഉദ്യോഗസ്ഥരെയും പോലീസിനെയും തടയാനെത്തിയത്. ഇന്ന് കല്ലിടാൻ എത്തിയ ധർമടം പഞ്ചായത്തിലെ ഒരിടത്ത് മാത്രമാണ് പ്രതിഷേധം ഇല്ലാതെ നടപടികൾ പൂർത്തിയാക്കാനായത്.
മറ്റ് എല്ലായിടത്തും ഉദ്യോഗസ്ഥർ സ്ഥാപിച്ച കല്ലുകൾ പ്രതിഷേധക്കാർ പിഴുത് മാറ്റി. വൻ പോലീസ് സംഘത്തിന്റെ അകമ്പടിയോടെയാണ് ഉദ്യോഗസ്ഥർ കല്ലിടലിനെത്തിയത്. പ്രതിഷേധിച്ചവരിൽ രണ്ടുപേരെ പോലീസ് അറസ്റ്റ് ചെയ്തെങ്കിലും ഒരാളെ പിന്നീട് വിട്ടയയ്ക്കുകയായിരുന്നു.
വരും ദിവസങ്ങളിലും പ്രദേശത്ത് കല്ലിടൽ തടയുമെന്നാണ് നാട്ടുകാർ പറയുന്നത്. പ്രദേശവാസികളുടെ പ്രതിഷേധത്തിന് പിന്തുണ പ്രഖ്യാപിച്ച് കോണ്ഗ്രസ് പ്രവർത്തകരും സ്ഥലത്ത് എത്തിയിരുന്നു.