കോഴിക്കോട്: നാല് സംസ്ഥാനങ്ങളിലെ നിയമസഭാ തെരഞ്ഞെടുപ്പിൽ ബിജെപി നേടിയ വിജയം ആഘോഷിക്കുന്നതിനിടെ പടക്കം കൈയിലിരുന്ന് പൊട്ടി പ്രവർത്തകന് ഗുരുതര പരിക്ക്. വടകര ഓര്ക്കാട്ടേരി കൈപ്രത്ത് ബസ് സ്റ്റോപ്പിനടുത്ത് വ്യാഴാഴ്ച രാത്രിയായിരുന്നു സംഭവം.
പുളിയുള്ളതില് പ്രവീണ് കുമാറിനാണ് (39) പരിക്കേറ്റത്. വലത് കൈപ്പത്തി തകര്ന്ന ഇയാളെ വടകരയിലെ സ്വകാര്യ ആശുപത്രിയില് പ്രാഥമിക ചികിത്സ നല്കിയ ശേഷം കോഴിക്കോട്ടെ ആശുപത്രിയിലേക്ക് മാറ്റി. സംഭവത്തെക്കുറിച്ച് എടച്ചേരി പോലീസ് അന്വേഷണം തുടങ്ങി.