അമൃത്സർ: പഞ്ചാബ് മുഖ്യമന്ത്രിയായി ഭഗവന്ത് മന്‍ ഈ മാസം 16ന് സത്യപ്രതിജ്ഞ ചെയ്ത് ചുമതലയേല്‍ക്കും. മന്ത്രിസ്ഥാനത്തേക്കുള്ള 16 എംഎല്‍എമാരുടെ സത്യപ്രതിജ്ഞ പിന്നീട് നടക്കും.
അതേസമയം, മന്ത്രിസ്ഥാനത്തേക്കുള്ള 10 മന്ത്രിമാരുടെ പേരുകളില്‍ തീരുമാനമായിട്ടുണ്ട്. ഹര്‍പാല്‍ സിംഗ് ചീമ, അമന്‍ അറോറ, മേത്ത് ഹയര്‍, ജീവന്‍ ജ്യോത് കൗര്‍, കുല്‍താര്‍ സന്ദ്വാന്‍, ഛരണ്‍ജീത്ത്, കുല്‍വന്ദ് സിംഗ്, അന്‍മോള്‍ ഗഗന്‍മാന്‍, സര്‍വജിത്ത് കൗര്‍, ബാല്‍ജിന്ദര്‍ കൗര്‍ എന്നിവരുടെ പേരുകളാണ് പട്ടികയിലുള്ളത്.
ഇന്ന് അമൃത്സറില്‍ ആംആദ്മി പാര്‍ട്ടിയുടെ നേതൃത്വത്തില്‍ വന്‍ റോഡ് ഷോ നടന്നു. ഭഗവന്ദ് മാനിനൊപ്പം കെജരിവാളും റോഡ് ഷോയില്‍ പങ്കെടുത്തു.
