ന്യൂഡൽഹി: സിവില് സര്വീസ് പരീക്ഷയില് വിജയിച്ച അംഗപരിമിതര്ക്ക് ഐപിഎസിന് അപേക്ഷിക്കാന് അനുമതി നല്കി സുപ്രീംകോടതി ഇടക്കാല ഉത്തരവ്.
ഐപിഎസിന് പുറമെ, ഇന്ത്യന് റെയില്വേ സുരക്ഷാ സേന, ഡല്ഹി, ദാമന് ആന്ഡ് ദിയു, ദാദ്ര ആന്ഡ് നാഗര് ഹവേലി, ആന്ഡമാന് ആന്ഡ് നിക്കോബാര്, ലക്ഷ്വദീപ് പോലീസ് സേന എന്നിവയിലേക്ക് അപേക്ഷിക്കാനും സുപ്രീം കോടതി അനുമതി നല്കി. സുപ്രീം കോടതിയുടെ അന്തിമവിധിയുടെ അടിസ്ഥാനത്തില് ആയിരിക്കും നിയമനം ഉള്പ്പടെയുള്ള തുടര് നടപടികള്.
സന്നദ്ധ സംഘടനായ നാഷണല് പ്ലാറ്റ്ഫോം ഫോര് ദ റൈറ്റ്സ് ഓഫ് ദി ഡിസബിള്ഡ് നല്കിയ ഹര്ജിയിലാണ് സുപ്രീം കോടതി ഇടക്കാല ഉത്തരവ് ഇറക്കിയത്. ജസ്റ്റിസുമാരായ എ.എം. ഖാന്വില്ക്കര്, അഭയ് എസ്. ഓക എന്നിവര് അടങ്ങിയ ബെഞ്ചിന്റേതാണ് ഉത്തരവ്.