തൊ​ടു​പു​ഴ: വെ​ളി​ച്ചെ​ണ്ണ​യിലെ വ്യാജനെ കണ്ടെത്താൻ ഭ​ക്ഷ്യ​സു​ര​ക്ഷാ വ​കു​പ്പ്. ജി​ല്ല​യി​ൽ 61 സ്ഥാ​പ​ന​ങ്ങ​ളി​ൽ ന​ട​ത്തി​യ പ​രി​ശോ​ധ​ന​ക​ളി​ൽ 3 സ്ഥാ​പ​ന​ങ്ങ​ൾ​ക്ക് നോ​ട്ടീ​സ് ന​ൽ​കി. എണ്ണയുടെ ഗു​ണ​നി​ല​വാ​രം ഉ​റ​പ്പാ​ക്കാ​നും മാ​യം ചേ​ർ​ത്ത എ​ണ്ണ​യു​ടെ വി​ൽ​പ​ന ത​ട​യാ​നും പ​രി​ശോ​ധ​ന​ ശക്തമാക്കി. ഏ​ഴ്​ സ്റ്റാ​റ്റ്യൂ​ട്ട​റി സാ​മ്പി​ളു​ക​ളും ഏ​ഴ്​ സ​ർ​വൈ​ല​ൻ​സ് സാ​മ്പി​ളു​ക​ളും തു​ട​ർ പ​രി​ശോ​ധ​ന​ക​ൾ​ക്കാ​യി ശേ​ഖ​രി​ച്ചു. ഓ​പ്പ​റേ​ഷ​ൻ നാ​ളി​കേ​രയുടെ ഭാഗമായാണ് പരിശോധന നടത്തിയത്.

ഇ​വ കാ​ക്ക​നാ​ട്ടെ റീ​ജ​ന​ൽ അ​ന​ലി​റ്റി​ക്ക​ൽ ലാ​ബി​ലേ​ക്ക് അ​യ​ച്ച​താ​യി അ​ധി​കൃ​ത​ർ പ​റ​ഞ്ഞു. വെ​ളി​ച്ചെ​ണ്ണ നി​ർ​മാ​ണ യൂ​ണി​റ്റു​ക​ൾ, റീ ​പാ​ക്കി​ങ് യൂ​ണി​റ്റു​ക​ൾ, മൊ​ത്ത-​ചി​ല്ല​റ വ്യാ​പാ​ര കേ​ന്ദ്ര​ങ്ങ​ൾ എ​ന്നി​വി​ട​ങ്ങ​ളി​ൽ സ്പെ​ഷ​ൽ ഡ്രൈ​വാ​യ ‘ഓ​പ്പ​റേ​ഷ​ൻ നാ​ളി​കേ​ര’​യു​ടെ ഭാ​ഗ​മാ​യി പ​രി​ശോ​ധ​ന ന​ട​ത്തി​യ​താ​യി ഇ​ടു​ക്കി അ​സി.​ഫു​ഡ് സേ​ഫ്റ്റി ക​മ്മി​ഷ​ണ​ർ ബൈ​ജു പി.​ജോ​സ​ഫ് പ​റ​ഞ്ഞു. വ​രും ദി​വ​സ​ങ്ങ​ളി​ലും ക​ർ​ശ​ന പ​രി​ശോ​ധ​ന തു​ട​രാ​നാ​ണ് ഭ​ക്ഷ്യ​സു​ര​ക്ഷാ വ​കു​പ്പി​ന്റെ തീ​രു​മാ​നം.

വെ​ളി​ച്ചെ​ണ്ണ വി​ല കു​ത്ത​നെ ഉ​യ​ർ​ന്ന​തി​നാ​ൽ മാ​യം ചേ​ർ​ക്കാ​നു​ള്ള സാ​ധ്യ​ത ക​ണ​ക്കി​ലെ​ടു​ത്താ​ണ് ന​ട​പ​ടി. കേ​ര​ള​ത്തി​ലാ​ണ് ഏ​റ്റ​വും കൂ​ടു​ത​ൽ വ്യാ​ജ​ൻ പി​ടി​മു​റു​ക്കി​യി​ട്ടു​ള്ള​ത്. ബ്രാ​ൻ​ഡു​ക​ളു​ടെ ഉ​ൾ​പ്പെ​ടെ പേ​രു​പ​യോ​ഗി​ച്ച് നി​ര​വ​ധി വ്യാ​ജ​ൻ​മാ​ർ വി​പ​ണി​യി​ലു​ണ്ടെ​ന്നാ​ണ് വ്യാ​പാ​രി​ക​ൾ പ​റ​യു​ന്ന​ത്. വാ​സ​ന​യും നി​റ​വും ല​ഭി​ക്കു​ന്ന​തി​ന് വെ​ളി​ച്ചെ​ണ്ണ​യി​ൽ പാം ​ഓ​യി​ൽ, സ​ൺ​ഫ്ള​വ​ർ ഓ​യി​ൽ എ​ന്നി​വ ചേ​ർ​ക്കു​ന്നു​വെ​ന്നും പ​റ​യു​ന്നു.

ആ​രോ​ഗ്യ​ത്തി​ന് ഹാ​നി​ക​ര​മാ​യ പാം​കേ​ർ​ണ​ൽ ഓ​യി​ൽ, പാ​ര​ഫീ​ൻ ഓ​യി​ൽ എ​ന്നി​വ​യും വ്യാ​പ​ക​മാ​യി ചേ​ർ​ക്കു​ന്നു​ണ്ട്. അ​മി​ത ലാ​ഭ​മു​ണ്ടാ​ക്കു​ക​യെ​ന്ന ല​ക്ഷ്യ​ത്തോ​ടെ വെ​ളി​ച്ചെ​ണ്ണ​യി​ൽ വി​ല കു​റ​ഞ്ഞ എ​ണ്ണ​ക​ൾ ക​ല​ർ​ത്താ​ൻ സാ​ധ്യ​ത​യു​ണ്ടെ​ന്നാ​ണ് വി​ല​യി​രു​ത്ത​ൽ. ഓ​ണ​ക്കാ​ല​മാ​കു​ന്ന​തോ​ടെ വെ​ളി​ച്ചെ​ണ്ണ​ക്ക്​ ഡി​മാ​ൻ​ഡ് കൂ​ടും. വി​ല കു​റ​യാ​ൻ സാ​ധ്യ​ത​യി​ല്ലെ​ന്നാ​ണ് വ്യാ​പാ​രി​ക​ൾ ന​ൽ​കു​ന്ന സൂ​ച​ന.

അതേസമയം ലിറ്ററിന് 525ന് മുകളിലെത്തി നിൽക്കുന്ന വെളിച്ചെണ്ണ കുടുംബ ബജറ്റുകൾ താളം തെറ്റിക്കുമെന്ന ആശങ്കയിലാണ് വീട്ടമ്മമാർ. തീ വില കാരണം പലരും സൺഫ്ലവർ ഓയിലിലേക്ക് തിരിഞ്ഞു. അതേസമയം സപ്ലൈകോയുടെ 1600ൽപരം വിൽപനകേന്ദ്രങ്ങളിൽ കച്ചവടം പൊടിപൊടിക്കുകയാണ്. കുതിച്ചുയരുന്ന വെളിച്ചെണ്ണവില പിടിച്ചു നിര്‍ത്താൻ വിപണിയിൽ ഇടപെടൽ നടത്തുമെന്ന് ഭക്ഷ്യമന്ത്രി ജി ആ‍ര്‍ അനിൽ പറഞ്ഞിരുന്നു. കേരളത്തിലെ ജനങ്ങൾക്ക് ന്യായ വിലക്ക് വെളിച്ചെണ്ണ കൊടുക്കാനുള്ള പരിശ്രമമാണ് സപ്ലൈക്കോ നടത്തുന്നതെന്ന് മന്ത്രി വിശദീകരിച്ചു.