തൃശൂരില് പൂരത്തിനിടെ സംഘര്ഷം; അഞ്ച് പേര്ക്ക് വെട്ടേറ്റു പ്രതീകാത്മക ചിത്രം
തൃശൂര്: തൃശൂര് കുന്നംകുളം ചിറളയം പൂരത്തിനിടെയുണ്ടായ സംഘര്ഷത്തില് അഞ്ച് പേര്ക്ക് വെട്ടേറ്റു. രാത്രി ഏഴരയോടെയായിരുന്നു സംഭവം.
ഷൈന് സി ജോസ്, ലിയോ, ജിനീഷ് രാജ്, ജെറിന്, നെബു എന്നിവര്ക്കാണ് വെട്ടേറ്റത്. ആക്രമണത്തില് പ്രതികള്ക്കായി പൊലീസ് അന്വേഷണം ആരംഭിച്ചു.
രണ്ട് പൂരാഘോഷ കമ്മിറ്റികള് തമ്മില് വാക്ക് തര്ക്കം നിലനിന്നിരുന്നുവെന്നാണ് വിവരം. ഇതാണ് ആക്രമണത്തിന് പിന്നിലെന്നാണ് പ്രാഥമിക വിവരം.ആഘോഷങ്ങള് അമ്പലത്തിനു മുന്പില് എത്തിയപ്പോഴാണ് ഇരുവിഭാഗങ്ങളും തമ്മില് ഏറ്റുമുട്ടിയത്. സംഘര്ഷത്തില് ഗുരുതരമായി പരിക്കേറ്റ ഷൈന് സി ജോസിനെയും സുഹൃത്ത് ലിയോയേയും സംഭവസ്ഥലത്ത് ഡ്യൂട്ടിയിലുണ്ടായിരുന്ന പൊലീസ് കുന്നംകുളം മലങ്കര ആശുപത്രിയില് പ്രവേശിപ്പിച്ചിരിക്കുകയാണ്.