രാജ്യസഭയിലേക്ക് മത്സരിപ്പിക്കാന്‍ എഎപി തീരുമാനിച്ചതോടെ ദില്ലി വനിതാ കമ്മീഷന്‍ അധ്യക്ഷ സ്ഥാനത്തുനിന്ന് സ്വാതി മലിവാള്‍ രാജിവെച്ചു. ഒഴിവുള്ള മൂന്ന് സീറ്റുകളിലൊന്നില്‍ സ്വാതിയെ മത്സരിപ്പിക്കാന്‍ ആം ആദ്മി പാര്‍ട്ടി തീരുമാനിച്ചതിന് പിന്നാലെയാണ് രാജി.
നിലവിലെ എംപിമാരായ എന്‍ ഡി ഗുപ്തയും മദ്യനയക്കേസില്‍ ജയിലില്‍ കഴിയുന്ന സഞ്ജയ് സിംഗും വീണ്ടും മത്സരിക്കും. ആം ആദ്മി പാര്‍ട്ടി രാഷ്ട്രീയകാര്യ സമിതിയുടേതാണ് തീരുമാനം.
സ്വാതി മലിവാള്‍ സുശീല്‍ കുമാര്‍ ഗുപ്തയ്ക്ക് പകരമാണ് സ്ഥാനാര്‍ത്ഥിയാകുന്നത്. അതേസമയം സുശീല്‍ കുമാര്‍ ഗുപ്തയ്ക്കാണ് ഹരിയാന തെരഞ്ഞെടുപ്പ് ചുമതല.
