ടെക്സാസിലെ തെക്കുകിഴക്കൻ ഡലാസിൽ ഞായറാഴ്ച ഉച്ചയ്ക്ക് ശേഷം നടന്ന വെടിവയ്പ്പിൽ നാല് പേർ മരിച്ചു. ഒരു കൗമാരക്കാരിയെ ആശുപത്രിയിൽ പ്രവേശിപ്പിക്കുകയും ചെയ്തതായി ഡലാസ് പൊലീസ് അറിയിച്ചു. റോയ്സ് ഡ്രൈവിലെ 9700 ബ്ലോക്കിൽ നടന്ന വെടിവയ്പ്പിനെക്കുറിച്ച് വൈകുന്നേരം 4:20 ഓടെയാണ് പൊലീസിന് വിവരം ലഭിച്ചത്.
മൂന്ന് പേർ സംഭവസ്ഥലത്ത് വെച്ച് മരിച്ചു. പരിക്കേറ്റ കുട്ടിയെ ഉടൻ തന്നെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. ഇരകളുടെ വീട്ടിലേക്ക് നടന്ന് വെടിയുതിർക്കാൻ തുടങ്ങിയ അയൽക്കാരനാണ് പ്രതിയെന്ന് ഡിപിഡി പറഞ്ഞു. വെടിവയ്പ്പിന്റെ കാരണം വ്യക്തമല്ല. നിലവിൽ പ്രതികൾക്കായി തെരച്ചിൽ തുടരുകയാണ്.