ഇന്ത്യൻ പേസർ ജസ്പ്രീത് ബുംറയ്ക്കും ടെലിവിഷൻ അവതാരക സഞ്ജന ഗണേഷനും കുഞ്ഞ് പിറന്നു. തൻ്റെ എക്സ് അക്കൗണ്ടിലൂടെ ജസ്പ്രീത് ബുംറ തന്നെയാണ് സന്തോഷവാർത്ത പങ്കുവച്ചത്. അംഗദ് ജസ്ത്രീപ് ബുംറ എന്നാണ് കുഞ്ഞിൻ്റെ പേര്. കുഞ്ഞിൻ്റെ ജനനം കണക്കിലെടുത്ത് ബുംറ ഇന്ന് നേപ്പാളിനെതിരായ ഏഷ്യാ കപ്പ് മത്സരത്തിൽ നിന്ന് ഒഴിവായി മുംബൈയിലേക്ക് മടങ്ങിയിരുന്നു. മുംബൈയിൽ വച്ചാണ് സഞ്ജന കുഞ്ഞിനു ജന്മം നൽകിയത്.
